Мектепте адам укугу жаатындагы маселелерге киришүү, адам укугун жана эркиндигин коргоонун эл аралык жана ички жол-жоболору, социалдык долборлоштуруу сыяктуу темалар окутулмакчы. Дарстар жергиликтүү адам укугу боюнча адисттер, бейөкмөт уюмдардын өкүлдөрү жана журналисттер тарабынан өткөрүлөт. “Перемена” инновациялык кору Европалык Комиссиянын колдоосунда уюштуруп жаткан жайкы мектепке 15-25 жашка чейинки, адам укугу боюнча ар кандай иш-чараларды (семинарлар, коомдук пикирди сурамжылоо, пикир айтыш, тегерeк стол) өткөрүп жүргөн жаштар катыша алат. Документтер 30-июнга чейин кабыл алынат. (EBM)
