Аталган фронттун жетекчиси Феликс Куловдун экинчи элдик жыйында билдиргени боюнча кол топтоо үстүбүздөгү жылдын июнь айынан сентябрь айына чейин жүргүзүлүп, күзүндө парламенттин жана бийликтин кароосуна берилмекчи. Феликс Кулов өз сөзүндө эгер парламент буга маани бербей турган болсо, күзүндө Жогорку Кеңешти таратуу боюнча кол чогултуу башталарын маалымдады. Анын айтуусунда Бириккен фронт сентябрь айында үчүнчү элдик жыйын өткөрүүнү көздөөдө. Ал эми Орусия менен биригүү, мамлекет башчыларын мөөнөтүнөн мурда шайлоо, парламентти таратуу жана кайра шайлоо маселелери элдик референдумга коюлмакчы.
14:45 Бириккен фронт Орусия менен Кыргызстандын биригүүсү үчүн кол топтоо демилгесин баштайт
