«Токтогул каскадындагы ГЭСтердин өзгөчө макамы» тууралуу мыйзамга өзгөртүү киргизүү долбоорунда Камбарата ГЭСтеринен мындай макамды алып салуу каралган. Парламент бул маселени эки жума мурда карап баштаган. Эгер бул долбоор кабыл алынса аталган ГЭСтерди куруу максатында Орусия, Казакстан жана Кыргызстан ортосунда биргелешкен ишкана түзүүгө жол ачылмакчы. Депутаттардын бир бөлүгү бул маселеде Камбарата ГЭСтеринин көзөмөл пакет акциясы Кыргызстанда болуп, ал 51 пайыздан кем болбошу керек деген талап коюшууда.(SM)
