КАИР. Бүгүн Израиль менен Жакынкы Чыгыш өлкөлөрүнүн ортосунда болгон "Алты күндүк согуштун" башталганына 40 жыл тоду. Анын натыйжасында Израилдин аскерлери Мисирдин, Иорданиянын жана Сириянын аскерлерин жеңип чыгып, Иорданиядан Иордан дарыясынын батыш жээгиндеги аймактарды, Сириядан Голан дөңсөөлөрүн жана Мисирден Газа тилкеси менен Синай жарым аралын басып алган. Израиль менен Палестинанын активисттери бул күндү тынч демонстрациялар менен белгилеп, жакынкы Чыгыштагы кризисти тынчтык жолу чечүүгө үндөп жатышат.
