Прагада чогулган эл аралык коомдук ишмерлер ар башка өлкөлөрдө авторитардык режимдерден запкы тарткан диссиденттерге колдоо көрсөтүүгө үндөштү. Демократия маселелерине арналган 2 күндүк конференциянын соңунда “Прага документи” аттуу билдирүү таратылып, ага Чехиянын мурдагы президенти Вацлав Гавел, Испаниянын экс-премьери Мариа Азнар, Израилден мурдагы советтик бозгун Натан Шаранский кол коюшту.
