«Каракече кожоюну» атыккан Нурлан Мотуевдин билдиргенине караганда, сот иши анын кылмышы аныкталбагандыгы үчүн токтотулган. “Жоомарт” партиоттук кыймылынын лидери Мотуев өткөн жылы 23-майда камакка алынган. Буга чейин Нурлан Мотуевдин үстүнөн 20 томдук иш ачылып, өтө чоң өлчөмдө мамлекеттик мүлктү талап-тоногон деген айып тагылган эле. Мотуевдин үстүнөн сот иши ушул жылы 16-февралда шаардык Биринчи май райондук сотунда башталган. 3-апрелде Нурлан Мотуев Бишкектин чегинен чыкпай тургандыгын кепилдеген тил кат берип, камактан бошогон. Сот «Каракече» ишин кайра тергөөгө жиберген эле. (ZMa)
