Бул тууралуу Жогорку Кеңештин төрагасы Марат Султанов бүгүн билдирди. Өкмөттүн маалымат кызматы бул кабарды тастыктап, Алмаз Атамбаев дүйшөмбү күнү Түркияга жөнөп кеткенин билдиришти. Бирок азырынча Атамбаевдин Түркиянын кайсы ооруканасында дарыланаары тууралуу маалымат жок, деп белгилешти маалымат кызматынан. Алмаз Атамбаев 11-майда Акүйдө кимдир бирөө тарабынан берилген суудан ууланып, эки күн эс учун билбей жатканын ачыктаган. Бул билдирүү боюнча Улуттук коопсуздук кызматы кылмыш ишин козгоп, тергөө иштерин жүргүзүүдө. (AiT)
