Бул тууралуу Жогорку Кеңештин төрагасы Марат Султанов кечээ АКШнын мамлекеттик катчысынын жардамчысы Ричард Баучер менен болгон жолугушууда билдирип, анда Кыргызстандын кызыкчылыктары эске алынаарын айтты. Ричард Баучер болсо авиабазага байланышкан маселе эгер ШКУнун Бишкектеги жыйынында талкууланса туура эмес болоорун, ал Кыргызстан менен АКШнын ортосунда гана чечилчү маселе экенин белгиледи. Жолугушууда эки тараптуу кызматташтыкка байланышкан башка маселелер да талкууланды. Ричард Баучердин Кыргызстандагы беш күндүк иш сапары кечээ соңуна чыкты.(SM)
