Аскерий өкүлдөрдүн билдиргенине караганда, аскерий учак Газанын түндүк бөлүгүнөн бутага ракета атылуучу жерди алган. Ага катар Газа сектору менен Иордандын Батыш жээгинде атышуулардан жөөт аскерлери палестиналык алты согушкерди мерт кылды. Бүгүн ошондой эле Израилдин премьер- министри Эхуд Ольмерт менен палестин лидери Махмуд Аббас келерки аптада жолугары жарыяланды, бирок жолугушуу кайсыл күнү өтөөрү азырынча айтылган жок. Израилдин бүгүнкү билдирүүсүнө караганда, учурда исламчыл ХАМАС уюмунун көзөмөлүндө турган Газа секторунун белгилүү бир сандагы тургундары өлкө аймагына дарылануу максатында өтүүсүнө уруксат берилет.
