Бул тууралу Азаттыкка БУУнун Ыктыярчылар программасынын Жаштык долбоорунан Айнура Жапарова билдирди. Мектепти уюштуруудагы негизги максат- демократиянын нарктарын жайылтуу жана өлкөдөгү жаштардын потенциялын көтөрүү. Бул долбоордун алкагында, Кыргызстан, Тажикистан, Казакстандан чогулган жаш лидерлер жай ичи сынчыл ойлом, лидердик дымактарын өркүндөтүшөт. Бул үчүн көрүнүктүү коомдук жана саясий ишмерлер менен атайы жолугуушулар өткөрүлөт. Жайкы демократия мектеби үч айда, үч бөлүктө жүзөгө ашырылат. 26- июнда “Ысыккөл” мейманканасында анын ачылыш аземи болот. (ElenK)
