Катта жаш саясатчылар Курманбек Бакиевди Орусиянын жана АКШнын аскер базаларынын келечеги тууралуу пикирин билдирүүгө жана анклавдардан Өзбекстандын аскерлерин чыгарууга үндөйт. Кайрылууда саясатчылар стратегиялык мааниге ээ экономикалык объектилер, мамлекеттер аралык союздарга кошулуу, Ысыккөл аймагындагы жерлерди чет өлкөлүк жарандарга сатуу тууралуу турумун ачык айтууга чакырат. “Ушу тапта Кыргызстан саясатын, экономикасын жана өлкөнүн социалдык коопсуздугун чыңдоо тепкичинде турат. Биз сизди өлкө башчысы катары аталган маселелер боюнча чечкиндүү кадам жасоону сунуш кылабыз”,-деп айтылат жаш саясатчылар форуму тараткан билдирүүдө. (ZMa)
