Буга байланыштуу мыйзам долбоорун бүгүн Жогорку Кеңештин депутаттары жактырды. Аталган долбоордун демилгечиси Нурдин Абдылдаевдин айтымында, эгерде уюлдук байланышты тейлеген компаниялар уурдалган телефондордун андан ары иштешин токтотсо, телефондорду уурдоо жана аны кайра жогорку баада сатууга бөгөт коюлат. ШИИБнын расмий маалыматтарына ылайык, өткөн жылы алты жүзгө жакын уюлдук телефон уурдалган. Бирок бул көрсөткүчтөр алда канча жогору. Себеби көпчүлүк адамдар телефонун уурдатып алган соң, тартип коргоо кызматкерлерине кайрылбайт. (ZMa)
14:35 Уюлдук байланыш операторлору уурдалган уюлдук телефондун ишин чектөөгө милдеттендирилет
