Расмий сапар учурунда кытайлык дипломат өкмөт башчы Алмаз Атамбаев, кыргызстандык кесиптеши Эднан Карабаев жана президент Курманбек Бакиев менен жолугушууларды өткөрөт. Расмий сапардын башкы максаты август айында Бишктеги ШКУнун саммитине жана ошол эле мезгилдеги Кытайдын мамлекет башчысы Ху Цзиньтаонун Кыргызстанга расмий сапарын даярдоо болуп саналат. Кытайдын башкы дипломаты ШКУга мүчө мамлекеттердин тышкы иштер министрлеринин Бишкекте 9-июлда өтчү кенешмесине катышат. (SKz)
