Жогорку Кеңештин вице-спикери Кубанычбек Исабеков баштаган делегация “Ачык Кыргызстан” программасынын алкагында 24-июндан 6-июлга чейин АКШда расмий иш сапары менен болуп келди. Сапар учурунда Кыргызстандан барган делегация Флорида, Пенсильвания штаттарынын өкүлдөрү, конгрессмендер жана Мамлекеттик департаменттин Борбордук Азия региондору боюнча башкармалыгынын жетекчилиги менен жолугушту. Жолугушуу учурунда адам укуктары, эки тараптуу кызматташтык, “Манас” аба базасы, америкалык жоокер тарабынан атып өлтүрүлгөн кыргыз жараны Александр Ивановго байланыштуу маселелер козголду. Бул тууралуу бүгүн “Азаттыкка” Кубанычбек Исабеков билдирди. (ZMa)
