Президент алдындагы адам укуктары боюнча комиссиясынын жетекчиси Турсунбек Акун кечээ, бейөкмөт уюмдары чет өлкөлөрдөн каржыланып атып, эч качан өлкө башчыларын кетирүү демилгесин көтөрбөш керек деп билдирген эле.“Интербилим” эл аралык борборунун директору Асия Сасыкбаева: “Турсунбек Акун Акаевдин учурунда, Акаев кетсин деп өзү чыкпады беле, анан эмне үчүн ошондо чет өлкөлүк грантардын негизинде иш алып барып жатканда минтип айтпайт?” – деп нааразычылыгын туюндурду. Анын айтымында бейөкмөт уюмдар тигини же муну түшүргөнгө деп акча албайт жана ар бир жараан өзүнүн жараандык позициясын билдирүүгө укуктуу. Ал эми чет өлкөдөн келген гранттар жараандык коомду колдоо иретинде берилет жана пикириңерди билдирбегиле деген чектөө коюлуп жаткан жери жок. (ESu)
