Болгариялык беш медициналык кызматкер менен бир палестиндик догдур 400 дөн ашуун балага ВИЧ инфекциясын жуктурган деп айыпталып, 1999-жылы камакка алынган эле. Эми Жогорку Сот өлүм жазасына буйрулган дарыгерлердин өкүмүн күчүндө калтырды. Бирок бул аталган иш боюнча акыркы чечим эмес болушу мүмкүн. 10-июлда Каддафи фондунун ортомчулугу менен СПИД илдетин жугузуудан каза тапкан балдардын үй-бүлөлөрү менен келишим жетишилгендиги маалым болгон.