Бул долбоорлор келерки жылдан тарта ишке кирери кечээ өкмөт башчынын ЕККУнун Бишкектеги өкүлү Маркус Мюллер жана анын орун басары Сабина Махл менен жолугушуусунда анык болду. Анда Алмаз Атамбаев аталган эл аралык уюмдун жардамы өлкө үчүн зарыл экенин белгиледи. Өз кезегинде ЕККУнун өкүлдөрү Кыргызстан менен кызматташуу жогорку деңгээлге жеткенинин, алардын долбоорлору баардык жаатта, саясий, укуктук жана демократиялык реформаларды ишке ашырууда колдонулуп жатканын айтышты. Бул туурасында өкмөттүн маалымат кызматынан кабарланды. (EBM)
