Ушул жылдын май айынан бери Каржы министрлиги тарабынан мектеп окуучуларды ысык тамак менен камсыз кылууга 148 миллион сом бөлүнгөн. Жакырчылыкты жоюу боюнча борбордук фонд Билим берүү министрлигине 200 миллион сом бөлгөн. Анын 90 миллион сому орто мектептерди компьютер менен камсыз кылууга, дагы 90 миллиону мектептерди кайра калыбына келтирүү иштерине жумшалат. Бул акча каражаттары жаңы окуу жылына даярдыктарды көрүү үчүн 12-июнда республиканын бардык аймагына жиберилди. Бул тууралуу Каржы министрлигинин басма сөз кызматынан кабарлашты. (ZMa)
