Белгилүү болгондой “Бител” жана “Мобикард” уюлдук операторунун кардарлары техникалык мүчүлүштүктөрдүн айынан бир нече күн кыйынчылыктарга дуушар болушкан. Ошол себептен “Sky Mobile” компаниясы атайы маалымат жыйын өткөрүп, кардарларынан расмий кечирим сурап, мындай мүчүлүштүктөр уюлдук тармактын заманбап технологияларына өтүү процессинин айынан болуп жатканын кабарлады. Ал эми аталган компаниянын генералдык деректири Алексей Модин кызматкерлер уюлдук байланышты калыбына келтирүү үчүн күнү-түнү болгон аракеттерин жумшаганын белгилеп, учурда байланыш жайында экенин айтты. (ESu)
