Мындай маалымат акыйкатчынын Нарын облусундагы өкүлчүлүгүнүн инспектору Тойгонбай Жаанбаевден алынды. Ал кезектеги пландык текшерүү менен Нарын шаарында жайгашкан СИЗО-4 барганда уурулук кылды деп шектелип кармалган 15-17 жаштардагы төрт өспүрүм Нарын шаардык ички иштер бөлүмүнүн милицияларына нааразылык билдиришкен. Алардын айтымында, сурак учурунда өспүрүмдөргө противогаз кийгизип кыйнашкан. Андан сырткары сурактын туура эмес өтүшүнө нааразы болушкан үч бала сол колдорунун билектерин кескилешкен. Ал эми Нарын шаардык милициянын башчысы Таалай Нуралиев мындай маалымат менен эч ким даттанбагандыгын билдирди. (JI)
