Түштүк кореялык 23 кишини барымтага алган талиптердин ультиматумунун мөөнөтү бүгүн кечинде аяктайт. Ал арада талиптердин өкүлү Юсуф Ахмади Франс Пресс агенттигине барымтадагы Германиянын жаранынын ден-соолугу начар абалда жана эс учун жоготуп коюп жатат деп билдирди. Эки немис талиптер тарабынан 18 июлда барымтага алынып, алардын биринин өлүгү 22-июлда табылган.
Бүгүн Кандагар провинциясында орто эсеп менен 1000 оогандыктар талиптердин Түштүк Кореялык 23 жаранды барымтага алганына каршылык көрсөтүп, көчөлөргө чыгышты.
