Талиптер ооган бийлигине койгон ультиматумдун мөөнөтү аяктады. Бирок барымтадагылардын тагдыры тууралуу эч кандай маалымат жок. Жекшемби күнү талиптердин өкүлү эгерде ооган бийликтери тизмеде көрсөтүлгөн талиптерди түрмөдөн бошотпосо, барымтадагы 22 корей жараны четинен өлтүрүлөт деп эскерткен. 19-июлда талиптер уурдап кеткен жарандардын он алтысы аялдар.
