Ички иштер министрлигинин маалымат кызматы билдиргенге караганда, кикбоксинг боюнча чемпион Жанбулат Амантаевди Октябрь райондук ички иштер кызматкерлери кечээ кечинде Аламүдүн районунун Стрельников айылынан кармап, кайра камашты. Амантаев «Монте Карло» эс алуу жайынын кожоюну И. Мамзаировдон 20 миң доллар акча талап кылып, анын 5 миң долларын алып жаткан жеринен 24-июлда камакка алынганы мурда кабарланган. 26 июлда Жанбулат Амантаев сот залынан качып кеткен. Бишкек шаардык ички иштер кызматы Амантаевди сотто кайтарып турган милициянын эки кызматкерине ишке кайдигер мамилеси үчүн кылмыш ишин козгогон. (BuS)
