Бул тууралуу «Азаттыкка» анын адвокаты Айжан Касымалиева билдирди. Жогорку Кеңештин кызматкери Жыпар Арыкова башка мамлекеттин пайдасына тыңчылык кылган деп шектелип, июнь айында кармалган. Ал учурда Улуттук коопсуздук боюнча мамлекеттик комитеттин тергөө абагында кармалууда. Жыпар Арыкованын баш коргоо чарасын өзгөртүү үчүн сотко парламенттин сегиз депутаты кепилдик беришти. Биринчи май райондук соту мындай арызды буга чейин карап, канааттандырган эмес.(SM)
