Ош облустук ИИБнын жана баңзаттарды көзөмөлдөө боюнча мамлекеттик агенттиктин түштүк өкүлчүлүгүнүн кызматкерлери тарабынан 9 кг 800 г героинди Орусияга сатууга алып бараткан Дилшат К. аттуу жаран кармалды. Алдын ала жүргүзүлгөн тергөө учурунда Дилшат К. баңзатты Орусиянын Челябинск шаарына алып бара жаткандыгын жана бул үчүн алдын ала 1 000 доллар алгандыгын билдирген. Бул иш боюнча КР КЖКнин 247-беренеси менен кылмыш иши козголуп, наркокурьер камакка алынды. Бул тууралуу Ош облустук ИИБнын маалымат катчысы Жеңиш Ашырбеков кабарлады. (ZKo)
