Ушул күндөрү Бишкек мэриясына караштуу санитардык-экологиялык инспекциясынын кызматкерлери жана шаардык милиция биргелешип, машине жуучу жайларды текшерүүдө. Маалыматтарга ылайык, ушул жылдын алты айынан бери машине жуучу жайлардын ээлерине карата 47 протокол түзүлүп, алардын сегизи жабылган. Уруксатсыз ачылган машине жуучу жайлардын көбү Абдымомунов, Токтогул, Фрунзе, Исанов көчөлөрүндө жайгашкан. ШКУнун саммити аяктагандан кийин дагы мындай жайларды текшерүү иштери улантылат деп кабарлайт жергиликтүү өзүн-өзү башкаруу бөлүмүнүн басма сөз кызматы. (ZMa)
