Жолугушууда кыймылдын мүчөлөрү Кароолдөбөдөгү казуу иштерине бөгөт коюу, калк арасында үгүт иштерин жүргүзүү өңдүү маселелерди талкуулап, кийинки иш планын аныкташат. Бул тууралуу “Азаттыкка” кыймылдын мүчөсү Жоомарт Сапарбаев билдирди. “Талас тургундарынын көбү Кароолдөбөдөгү казуулар тууралуу көп нерсени билбейт, же бийлик өкүлдөрү аларга туура эмес маалымат берген. Бүгүн Бишкектен “Атамекен” партиясынын башка мүчөлөрү дагы келип, бизге кошулат”,-деди Ж. Сапарбаев. (ZMa)
