Бириккен Фронт Орусия менен Кыргызстандын ортосунда мамлекеттер аралык союз түзүү демилгесин көтөрүп чыккан эле. Бул үчүн референдум өткөрүү талап кылынат. “Арнамыс” партиясынын теңтөрагасы Эмил Алиевдин айтымында, Борбордук шайлоо комиссиясы референдум өткөрүүгө уруксат бербегендиктен, Бириккен Фронттун мүчөлөрү ушул жумада Конституциялык сотко арыз менен кайрылат. “Ушул тапта Бириккен Фронт атайын түзгөн эксперттик комиссия 19-апрелдеги митинг учурундагы башаламандыкты иликтөө иштерин жүргүзүп жатат”,-деп кошумчалады Э. Алиев. (ZMa)
