2-августта Москва шаарындагы ВДНХ метро бекетинин жанында улутчул жаштар менен Азиялыктардын ортосундагы мушташка байланыштуу Кыргызстандын Орусиядагы элчилигинин кызматкерлери Москва шаардык ички иштер башкармалыгынын өкүлдөрү менен жолугушту. Анда Москва тартип коргоо органы бул иш боюнча азыр тергөө жүрүп жатканын айтып, жаңжалга кыргызстандык атуулдар катышкандыгын такташкан эмес. Ушундан улам Тышкы иштер министрлигинин маалымат кызматы бир катар кыргыз массалык маалымат каражаттарындагы жогоруда сөз болгон мушташка кыргызстандык атуулдар катышкан деген маалымат чындыкка дал келбейт деген билдирүү таратты. (EBM)
