Өлкөнүн түштүгүндөгү Кандагар шаарында 300 чакты киши талибдер 19-июлда уурдап кеткен түштүк кореялык 21 жаранды дароо бошотууну талап кылышты. Демонстранттар талибдерге каршы ураан чакырышып, алардын аялдарды барымтада кармап турганын айыпташты. Бүгүн туткундарды бошотуу боюнча сүйлөшүү туңгуюкка такалганы маалым болду. Талибдер эки эркек туткунду өлтүрүп, негизинен аялдардан турган калган туткундарды бошотуу үчүн, Кабул өкмөтүнөн талиб айыпкерлерин түрмөдөн чыгарууну талап кылууда.
