Бүгүн Манасчылар тобу 24.кейжи агенттигинде маалымат жыйынын өткөрөт. Алар “Манас ордодогу” казуулар тууралуу өз пикирин айтмакчы. Бул тууралуу “Азаттыкка” “Коммерциялык эмес бейөкмөт уюмдар” ассоциациясынын төрайымы Токтайым Үмөталиева билдирди. “Өкмөт казуу иштерин токтотуу тууралуу токтом кабыл алса дагы, эксперттик топ түзүлүп, казуулардын “Манас ордого” тийгизген зыянын аныкташ керек. Калктын жүрөгүндөгү тешилген жараны айыктыруу оңой эмес, андыктан биринчи адам башында турган бийлик элден кечирим сурашы зарыл”,-деп кошумчалады Т. Үмөталиева. (ZMa)
