“Кылым шамы” бейөкмөт уюмунун жетекчиси Азиза Абдрасулова 20-июлда Казакстанда өткөн кыйноолорго каршы атайын семинарга катышты. Укук коргоочунун айтымында, төрт күнгө созулган семинарга Грузия, Орусия, Бразилия, Болгария жана башка өлкөлөрдөн атайын псхологдор, мугалимдер келип, кыйноолорго каршы туруунун жолдору, адам укуктарын коргоо тууралуу айтып беришкен. “Бизде кыйноолордон жапа тарткан адамдар үчүн атайын борбор, көз карандысыз соттук-медициналык экспертиза болушу керек. Анткени адвокаттардын институту иштебейт”,-деп билдирди “Азаттыкка” Азиза Абдрасулова. (ZMa)
