Аталган компания менен Монголия өкмөтү ортосунда көпкө созулган сүйлөшүүлөрдөн кийин эки тарап Бөрү алтын кенин иштетүү боюнча өзгөртүүлөр жана толуктоолор киргизилген жаңы келишимге кол койду. Ага ылайык, мындан ары “Центерра голд” компаниясы жалпы кабыл алынган салык системасы боюнча Монголиянын аймагында Бөрү алтын кенин иштете алат. «Центерра голд инк» компаниясы Кыргызстандагы Кумтөр кенин 2003-жылдан бери иштетип келген. Кыргыз өкмөтү ушул күнгө чейин бул копманиядагы өз үлүшүн аныктай элек. (ZMa)
