Буга чейин 7-августа Сокулук районунун Гавриловка айылындагы жубайлар оорулу уйду союшуп күйдүргү (сибирь жарасын) жуктуруп алганы аныкталып, Республикалык инфекциялык ооруканага жаткырылган. Алар менен уйду союшкан дагы бир адам ооруканага кечээ жаткырылды. Гавриловкалык жубайлар ылаңдаган уйдун 164 кг. этин кошунасына сатышкан. Ал уйдун эти Ош базарынын аймагындагы “Юст” дүкөнүнө келип түшкөн. Учурда Сокулук райондук ооруканасында буга байланышы бар 15 адам текшерүүдөн өтүүдө. Бул маселе көзөмөлгө алынып,тыкат текшерүүлөр жүргүзүлүп жатат, деп билдиришти Санитардык-эпидемиологиялык борбордон. (AJ)
