Шанхай Кызматташтык уюмуна кирген өлкөлөрдүн аскерий машыгууларына Кыргызстандан атайын тапшырмадагы отряд жөнөп кеткен. Машыгуу эки баскычка бөлүнгөн. Экинчи баскычы 17-августта Орусиянын Чебаркүл шаарына жакын жерде уланып, Волга дарыясынын жээгиндеги Урал аскер аймагында аяктайт. Машыгууга Кытай, Орусия, Казакстан, Кыргызстан, Тажикстан, Өзбекстандан алты миңге жакын аскер кызматкерлери катышууда. Бул тууралуу “Азаттыкка” Коргоо министрлигинин басма сөз кызматынан Айгүл Текенбаева маалымдады. (ZMa)
