Бул иш боюнча эки милиция кызматкерине кылмыш-жаза кодексиндеги «шалаакылык» беренеси боюнча айып тагылууда. Бирок маркумдун жакындары буга канааттанбай, тергөө ишине нааразылык билдирээрин айтышууда. Оппозициялык бириккен фронт быйыл апрелде уюштурган митингдин катышуучусу Бектемир Акунов 15-апрелде Нарын шаардык ички иштер бөлүмүнүн абагында табышмактуу жагдайда өлүмгө кабылган болчу. Бул ишти кароону сот алгач 2-августка белгилеп, бирок жабырлануучу тараптын адвокаты келбей калганына байланыштуу бүгүнкүгө жылдырган. (SM)