Мындай пикирин Кытай төрагасы «Манас» аба майданына келип түшкөндө жасаган кыскача билдирүүсүндө белгиледи. Ошондой эле Кыргызстандыктарга салам жолдоп, чакыруу жолдогону үчүн президент Бакиевге ыраазычылык билдирди. Визит учурунда Кытай менен Кыргызстандын кызматташтык келечегинин багыттары талкууланып, ал жемиштүү аяктарына ишенимин билдирди. Ху Цзинтаону аба майданында өкмөт башчы Алмаз Атамбаев, Тышкы иштер министри Эднан Карабаев тосуп алды. Түштөн кийин Өкмөт үйүндө Кытай төрагасы баштаган мамлекеттик делегацияны кабыл алуу салтанаты башталат. Өкмөт үйүнүн алдында Ху Цзинтаону президент Курманбек Бакиев кабыл алат. (BuS)
