Бул тууралуу бүгүн Бишкекте өткөн кыргыз-кытай сүйлөшүүлөрү учурунда Кытай төрагасы Ху Цзиньтао билдирди. “ШКУнун саммитине даярдыктар учурунда, президент, өкмөт жана кыргыз эли бул багытта көп иш жасаганына күбө болдук”,-деди Ху Цзиньтао. Кытай төрагасы Бишкек саммити жогорку деңгээлде өтө турганына ишенич артты. Өз кезегинде президент К. Бакиев, Кыргызстан ШКУнун алкагында биргелешкен аракетти чыңдоого маани берерин, учурда ШКУ тынчтыкты, коопсуздукту жана аймактагы стабилдүүлүктү сактоодо маанилүү ролду ойной тургандыгын кошумчалады. (ZMa)
