Бүгүн ошентип Бишкекке эртең өтчү саммитке катышуу үчүн ШКУга мүчө бардык өлкөлөрдүн башчылары, бул уюмда байкоочу макамга ээ өлкөлөрдүн жетекчилери жана өкүлдөрү, ошондой эле ардактуу конок катары чакырылгандардын дээрлик бардыгы келишти. Бир гана Түркмөнстандын президенти Гурбангулы Бердымухаммедовдун эртең таң эрте келиши күтүлүүдө. Ал саммитке ардактуу конок катары чакырылган. Бүгүн акыркылардан болуп Бишкекке Орусия президенти Владимир Путин келди. Ушул мүнөттөрдө кыргыз-орус президенттери жолугушуп, эки тараптуу сүйлөшүүлөрдү жүргүзүүдө.(SM)
22:34 ШКУ саммитине катышуу үчүн келген конокторго кыргыз президентинин атынан кечки сый тамак берилди
