Тажик президенти Эмомали Рахмондон кийин сөз алган Өзбекстандын президенти Ислам Каримов ар беш жыл сайын ШКУнун баш катчысын дайындап туруу сунушун киргизди. “Баш катчылык кызматка ШКУга кирген өлкөлөрдүн тажырыйбалуу жана абройлуу дипломаттарынан шайлашыбыз керек. Баш катчы бир мамлекеттин тар кызыкчылыгын көздөбөшү керек”,-деди Ислам Каримов. 2007-жылы 1-январда ШКУнун баш катчысы болуп казак дипломаты Болат Нургалиев дайындалган. (ZMa)
