Пакистандын тышкы иштер министри Хуршид Махмуд Касури өз сөзүндө ШКУнун терроризм менен күрөшүү программасына катышуу Пакистандын мүмкүнчүлүктөрүн жогорулатууга жардам берерин айтты. Мындан тышкары Пакистан бийлиги социалдык-экономикалык жактан кызматташууну да колдойт, деп белгилеген министр Пакистан ШКУга мүчө болууга кызыкдар экендигин билдирди. Анын айтуусунда муну менен ШКУ аймактык жактан дагы кеңеймек, Пакистан болсо ШКУ принциптерин жана максаттарын тиешелүү деңгээлде ишке ашырууга аракеттенмек. (ZKo)
