Бүгүн Кытайдын Бээжин шаарында баштала турган чемпионатка Кыргызстандан жети спортчу катышат. Бул тууралуу Дене тарбия, спорт, жаштар иши жана балдарды коргоо боюнча мамлекеттик агенттиктин басма сөз катчысы Жылдыз Бопушева билдирди. Анын маалыматына ылайык, чемпионатка катышкан спортчулардын чыгымдарын агенттик өзү төлөмөкчү. Дүйнө чемпионаты 24-августка чейин уланат. (ZMa)
