Рахат Алиев мындай кайрылууну Казакстандын башкы прокуроруна, Европадагы коопсуздук жана кызматташуу уюмунун Казакстандагы миссиясына жазган ачык катында жасады. Алиевдин жазышынча, Назарбаев башындагы “Нур отан” партиясы шайлоо өнөктүгүнө жашыруун фонддон 100 миллион долларды мыйзамсыз пайдаланганы үчүн, парламенттик шайлоого катышпоого тийиш. Ырасмий Астана Казакстандын Австриядагы мурдакы элчиси Рахат Алиевди эки казак банкирин уурдоого катыштыгы бар деп күнөөлөөдө жана Австриядан аны өткөрүп берүүнү сураган келет. Бирок, Австриянын соту Казакстандын мындай өтүнүчүн четке каккан.
