Кыргызстандын АКШдагы элчиси Замира Сыдыкованын “Washington times” маалымат каражатына айткан пикири боюнча, Шанхай кызматташтык уюму Борбор Азия чөлкөмүндө АКШнын таасирин төмөндөтүүчү уюм катары түзүлгөн эмес. Анын айтуусунда Кыргызстан ШКУ менен Борбор Азияда АКШ таасирин чектөө максатында эмес, өлкөнүн коопсуздугун жана экономикалык жактан өнүгүүсүн көздөөдөн улам кызматташууда. Замира Сыдыкова ошондой эле ШКУ саммити учурунда АКШ баштаган антитеррордук коалициянын аскерий аба базасын Кыргызстандан чыгаруу тууралуу сөз болбогондугун да эскертип кеткен. (ZKo)
