Курамында он эки адис болгон дарыгерлер тобу Саламаттыкты сактоонун Шаңхай уюмунун алкагында бир айдан бери Ысыккөл облусун кыдырып чыгышты. Дарыгерлер тобу облустун эки миңден ашуун тургунун бекер медициналык текшерүүдөн өткөрүштү. Бул иш-чара Орусиянын “Газпроммедсервис” уюмунун демилгеси менен уюштурулду. Бул тууралуу Саламаттыкты сактоо министрлигинин маалымат кызматынан кабарланды. ШКУнун Бишкектеги саммити учурунда орус президенти Владимир Путин медициналык тейлөөнүн сапаты тууралуу айтып жатып, күзүндө Шаңхай уюмуна мүчө өлкөлөр ортосунда темир жол медициналык борбору иштей баштайт деп белгилеген. (ZMa)
