Кемин районунун тургуну Н. Жамантаевге башаламандыкты уюштурган деген айып тагылууда. Жамантаев онкологиялык кесел менен ооруп жаткандыгына байланыштуу кепилдикке чыгарып берүүсүн өтүнгөнүн айыпталуучунун адвокаты Акин Токталиев “Азаттыкка” маалымдады. Кечээ бул иш Биринчи май райондук сотунда сегизинчи ирет каралды. Назарбек Жамантаев Жогорку Кеңешке депутаттыкка талапкер Бермет Акаеванын шайлоого байланыштуу ишин райондук сот 24-апрель түнү карап жатканда чыр-чатак уюштурду, делип айып тагылып, Улуттук коопсуздук боюнча мамкомитеттин убактылуу кармоочу жайында 4-майдан бери отурат. (ZMa)
