Кечээ Бишкекке канадалык “Камеко” корпорациясынын өкүлдөрү келишкен эле. Алар өкмөттүн эксперттик тобу менен жолугушту, бирок сүйлөшүүлөрдүн маазмуну тууралуу азырынча маалыматтар бериле элек. 2003-жылдын 31-декабрына чейин Кумтөрдөгү Кыргызстандын үлүшү жетимиш пайызга жакын болгон, кийинчирек ал отуз пайыздын тегерегине азайып, азыр анын өлчөмү 16 пайыздын айланасында гана калды. Кыргыз тарап сүйлөшүүлөрдүн жыйынтыгы боюнча Кумтөр кенинен кошумча төрт жүз сексен миллион долларга жакын киреше алууну көздөөдө. (ZMa)
