Пакистандын Жогорку соту мурдагы премьер-министр Наваз Шарифке жети жыл сүргүндөн кийин өлкөгө кайтып келүүгө уруксат берди. Шариф 1999-жылы октябрда азыркы президент Первез Мушараф тарабынан уюштурулган мамлекеттик төңкөрүштөн кийин бийликтен четтетилген. Жогорку соттун төрагасы Ифтикар Мохаммед Чаудри “Шариф жана анын үйбүлөсү өлкөгө кайтып келүүгө жана Пакистандын жараны катары анда жашоого укугу бар”,-деп билдирди.
