Ысыккөлдө өтө турган жайкы мектепке республиканын бардык аймагынан партиянын жүз элүү мүчөсү катышат. Эки күнгө созула турган окуулар учурунда анын катышуучулары партиянын ишмердүүлүгүн, өлкөдөгү саясий кырдаалды талкуулап, тажырыйба алмашат. Мындан сырткары октябрда өтө турган партиянын съездине даярдыктарды көрүү маселеси дагы көтөрүлөт. Социал-Демократиялык партия өлкөдөгү эң эски партиялардын бири. Маалыматтарга ылайык, анын катарында он беш миңден ашуун мүчө бар. Партиянын саясий кеңешинин төрагасы - өкмөт башчысы Алмазбек Атамбаев. (ZMa)
