“Жеңил өнөр жайчылар” биримдигинин маалыматы боюнча өткөн жылы “Кыргызстанда жасалган” деген бренд менен тигилген кийим-кечелердин экспорту 1,5 млрд сомду түздү. Быйыл Бишкекте өткөрүлгөн “Жаз-2007” жарманкесинен кийин, Италия, Германия, Түркия, Иран жана Кытайлык ишкерлер Кыргызстандык тигүүчүлөр менен кызматташууга кызыкдар экендигин билдирип, натыйжада бир нече келишимдер түзүлгөн. Үстүбүздөгү жылдын 17-сентябрынан тарта Москвада өтүүчү эл аралык жарманкеге Кыргызстандан 18 жеңил өнөр жай ишканасы катышмакчы. (ZKo)
